Gè pashac quarant agn
de quanche le sale gia le shtale
i sofà tantì piö bash
Ia i fener fac shö de ash
Le ure le shuna de e not
per chi tantì piö shurc
i gia ripitia fina medanot.
Ghia mia le balere de adesh
con farina bianca,pastiglie e töt ol resht
i foreshter pör de fa na balada
i mashnaa le scarpe shöl reshöl
e magari come hotel i naa shöl shöl.
Shul a penshaga ghe sharesh de fa resha shö i caei
le noshe fomme lè leaa shö ale quater a regula
per dopo na’n campagna a laura con ree i matei
Adesh de campredont a l’asilo ghe dudent meter de bià
ma le töl shö la machina per mia shüda.
Dale ot ale nöf ghe’l spuntino
öna briosc col capucino
ghe la ginnastica,i masagi e la piscina
tanto ghe mia tat de fa ‘n cudina.
Per la pora che le gie arde mia ashee
le she cambia fò doi o trei volte al de.
Ol cambe de na olta lia dal sheshtù al derlet
iscè nol gnii not gia a shegn de na nol let.
La shera piö bela en cà,lia quela de troash a ciacula
mesh bicer de inashì con öna padela de mundì
pò i naa töch nol sho quach de shcarfoi
e a la fì de l’an I she troaa con de nasilo de fiöi.
Adesh le arda she l’om al shtà be de famia
shenò le she shpuda mia….
Ghia on po piö shporc ree a le bià
ma meno shchefe enne cà.
ol maia piö bu lia ön ciaridì
con quater fete de cadolet e du öf cadalì
Adesh ghe i quattro salti in padella Findus!!!
Noi supermercati ghe töcc i detersivi
öna olta i faa la bugada nol shoi o’na suina
e per töt le dopra la piltrina.
L’ünec laur che me rencresh
le per chi che she shpuda adesh
barete, capei e caschi dür
ma i coregn i comanda shemper lur !!!!!
ZIO SERGIO
